НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Ресейдің ЦСКА (Мәскеу) командасымен өткізеді, деп хабарлайды ҚазАқпарат тілшісі.
Кездесу елорда уақытымен 19:30 -да басталып, Qazsport телеарнасынан тікелей эфирде көрсетіледі.
Екі команда бүгінге дейін 25 мәрте шеберлік байқасты. Оның сегізі «Барыстың» басымдығымен аяқталса, қалғанында ресейлік клубтың мерейі үстем болды.
14 қыркүйекте Мәскеуде өткен ойында елордалық клуб қарсыласынан 6:3 есебімен басым түскен болатын.
Айта кетейік, «Барыс» биыл бұдан бұрынғы алты кездесудің небәрі екеуінде жеңіске жетті. Турнир кестесінде 19-орында келеді. Ал ЦСКА 12 ұпаймен 6-орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.