НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Ресейдің «Динамо» (Мәскеу) командасына қарсы өткізді, деп хабарлайды ҚазАқпарат тілшісі.
Ойын барысында ресейлік команданың белсенділігі байқалып тұрды. Нәтижесінде олардың тарапынан Антон Ведин небәрі 19 секундта мергендік танытты.
Одан кейін Вячеслав Вонйов - 3, Оскар Линдберг 7-минуттарда есепті үстемелей түсті.
Екінші кезеңде «Барыс» сапынан Коди Куник 37-минутта есеп айырмасын қысқартқан еді.
Алайда, одан кейін ресейлік Вадим Шипачёв 40-минутта басымдықты қайтадан арттырды.
Ал 48-минутта қазақстандық клубтан Кёртис Валк көздеген нысанадан мүлт кеткен жоқ.
Осылайша «Барыс» қарсыласына 2:4 есебімен есе жіберді.
Айта кетсек, енді «Барыс» келесі ойынын 4 желтоқсанда Ресейде «Нефтехимик» (Нижнекамск) командасына қарсы өткізеді.
Еске салсақ, бұдан бұрын «Барыс» елордада ресейлік «Витязь» (Подольск) командасына есе жіберді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.