НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Финляндияның «Йокерит» (Хельсинки) командасымен өткізді, деп хабарлайды ҚазАқпарат тілшісі.
Кездесу барысында финляндиялық команда белсенділік танытты. Нәтижесінде бірінші кезеңде олардың қатарынан Калле Коссила 16, Никлас Йенсен 19-минуттарда мергендік танытты.
Никлас Йенсен екінші кезеңнің 28-минутта есепті үстемелей түссе, қазақстандық Никита Михайлис 42-минутта көздеген нысанадан мүлт кеткен жоқ. Ойынның нүктесін 59-минутта финляндиялық Марко Анттила қойды.
Осылайша «Барыс» қарсыласына 1:4 есебімен есе жіберді.
Енді «Барыс» алдағы ойынын елордада Ресейдің «Трактор» (Челябинск) командасын қабылдайды.
Еске салсақ, бұған дейін екі команда бүгінге дейін 14 мәрте шеберлік байқасты. Оның 7-і «Барыстың» басымдығымен аяқталса, қалғанында ресейлік клубтың мерейі үстем болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.