НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Ресейдің «Динамо» (Мәскеу) командасына қарсы өткізеді, деп хабарлайды ҚазАқпарат тілшісі.
Кездесу елорда уақытымен сағат 19:30-да басталып, Qazsport телеарнасынан тікелей эфирде көрсетіледі.
Екі команда бүгінге дейін 28 мәрте шеберлік байқасты. Оның 11-і «Барыстың» басымдығымен аяқталса, қалғанында ресейлік клубтың мерейі үстем болды.
Екі команда арасындағы соңғы алты кездесудің біреуінде қазақстандық клуб жеңіске жетті.
«Барыстың» биылғы турнирдің соңғы алты кездесуінің үшеуінде жолы болды, қалғанында қарсыластарына есе жіберіп қойды.
Ал «Динамо» соңғы алты кездесудің бесеуінде қарсыластарын тізе бүктірді.
Еске салсақ, «Барыс» бұдан бұрын елордада ресейлік «Витязь» (Подольск) командасына есе жіберді.
Ал «Динамо» өз айдынында Ресейдің «Ак Барс» (Қазан) командасын жеңді.
Қазір «Барыс» 33 ойыннан кейін 30 ұпаймен турнир кестесінде 20-орында келеді. Ал «Динамо» 46 ұпаймен 7-орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.