НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын елордада Ресейдің «Витязь» (Подольск) командасына қарсы өткізеді, деп хабарлайды ҚазАқпарат тілшісі.
Кездесу елорда уақытымен сағат 17:00-де басталып, Qazsport телеарнасынан тікелей эфирде көрсетіледі.
Екі команда бүгінге дейін 27 мәрте шеберлік байқасты. Оның 19-ы «Барыстың» басымдығымен аяқталса, қалғанында ресейлік клубтың мерейі үстем болды.
Екі команда арасындағы соңғы cегіз кездесудің барлығында қазақстандық клуб жеңіске жетті.
«Барыстың» биылғы турнирдің соңғы алты кездесуінің үшеуінде жолы болды, қалғанында қарсыластарына есе жіберіп қойды.
Ал «Витязь» соңғы алты кездесудің біреуінде қарсыластарын тізе бүктірді.
Еске салсақ, «Барыс» бұдан бұрын елордада ресейлік «Торпедо» (Нижний Новгород) басым түсті.
Ал «Торпедо» сырт айдында Ресейдің «Салават Юлаев» (Уфа) командасын жеңді.
Қазір «Барыс» 32 ойыннан кейін 30 ұпаймен турнир кестесінде 19-орында келеді. Ал «Витязь» 26 ұпаймен 22-орында тұр.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.