НҰР-СҰЛТАН. ҚазАқпарат - Құрлықтық хоккей лигасы президенті қызметіне бұрынғы белгілі хоккейші Алексей Морозов сайланды, деп хабарлайды ҚазАқпарат тілшісі.
Бұл қызметті 2014 жылдың қаңтар айынан бастап атқарып келген Дмитрий Чернышенко енді еңбек жолын саясат саласында жалғастырады. Ол Ресей Федерациясы Үкіметі төрағасының орынбасары қызметіне тағайындалды.
А.Морозов бұдан бұрын Жастар хоккей лигасының басқарушы директоры болған еді. Ол қызметінде де жаңа басшы келгенге дейін қалады.
А.Морозов 1977 жылы дүниеге келген. Кәсіби спорттық ғұмырында Ресейдің «Крылья Советов», «Ак Барс», ЦСКА және АҚШ-тың « Питтсбург Пингвинз» клубында ойын көрсеткен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.