Құрманғазы атындағы ұлттық консерватория хоры Бейжіңде концерт қояды
12:47, 14 Мамыр 2014
БЕЙЖІҢ. ҚазАқпарат - Құрманғазы атындағы Қазақ ұлттық консерваториясының аралас хоры Бейжіңде өтетін «Beijing Music Modern Festival-2014» замануи музыка фестиваліне қатысады.
Консерватория хорының концерттік бағдарламасында қазақ, орыс, түркімен, молдова, американдық композиторлардың шығармалары қамтылған. Оған ҚР Халық әртісі, консерваторяның ректоры Жәния Әубәкірова қатысады.
Айта кетейік, студенттерден құралған бұл аралас хор 1994 жылы 1 қазанда құрылған. Музыкалық ұжым консерватория мен қаланың концерттік бағдарламаларына қатысып, Қазақстанның түрлі қалалары мен одан тыс елдерге гастрольдік сапарлармен шығады.
Бейжіңде Орталық музыка консерваториясымен ұйымдастырылған бүкіл әлемге танымал фестиваль ҚХР Білім министрлігі мен Мәдениет министрлігінің және ұлттық демеушілердің қолдауымен өтіп жатыр. Ол Қытай астанасында 16-21 мамыр аралығында өтеді.