ШҚО Төтенше жағдайлар департаменті баспасөз қызметінің мәліметіне сүйенсек, Күршім ауданының Құйған ауылдық округіндегі таулы жерді шарпыған өрт 6 шілде күні шыққан.
«7 шілдеде «Қазәуеорманқорғау» мекемесінің МИ-2 тікұшағы жағдайды бақылау үшін оқиға орнына ұшып шықты. Әуеден барлау нәтижесі бойынша өрттің жалпы ауданы шамамен 20 гектарға жететіні анықталды. Қазіргі уақытта өрттің таралуы тоқтатылды, жекелеген нүктелерде сөндіру жұмыстары жүргізілуде», - делінген ақпаратта.
Елді мекендерге төніп тұрған қауіп жоқ. Жалынды ауыздықтауға Үлкен Нарын және Күршім орман шаруашылықтарынан, ТЖД өрт сөндіру қызметінен және жергілікті атқарушы органдардан 100-ден астам адам мен 15 техника жұмылдырылған.
Еске салсақ, кеше Шығыс Қазақстан облысының Күршім ауданында таулы жерде шөп өртеніп жатқаны хабарланған.