АСТАНА. ҚазАқпарат – Оралдық тұрғынды 21 млн теңгеге алдап кеткен құрылыс компаниясының директоры тергеліп жатыр, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, аталған тұрғын құрылыс компаниясының директорына таунхаустан үй алу үшін алдын ала 21 млн теңгесін берген.
«Ақыр-аяғында ақшасы да жоқ, элиталық тұрғын үйге де қолы жетпеген. Осылайша, компания директоры алдау жолымен оның 21 млн теңгесін иемденіп кеткен. Өзінің ақшасын ала алмай әрі үй салынбаған соң 53 жастағы тұғын полицияға шағым түсірді.
Қазіргі кезде ҚР ҚК 190-бабы 3-бөлігіне (алаяқтық) сәйкес сотқа дейінгі тергеу амалдары жүргізілуде. Күдіктіден ешқайда кетпеу туралы қолхат алынды.
Жалпы, облыста алаяқтық деректері азаяр емес. Сондықтан БҚО полиция департаменті тұрғындарға сақ болу қажеттігін еске салады», деп хабарлады ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).