Агенттік төрағасының атап өткеніндей, осы өзгерістерден кейін болашақта суық судың бағасы көтерілмейтін болады. Мысалы, оның сөзіне қарағанда, есептеу аспабы бар тұтынушылар үшін Тараз қаласында 1000 литр үшін 2 теңге 27 тиынға, Зайсан қаласында 1000 литр үшін 25,96 теңгеге көтерілген. «Бұл өзгерістер «Қазақстан Республикасында суға тариф белгілейтін жаңа тетіктерді енгізу жөніндегі 2013-2015 жылдарға арналған кешенді жоспарды бекіту туралы» ҚР Үкіметінің 2012 жылғы 29 желтоқсандағы № 1779 қаулысын орындау үшін енгізілді. Осы Кешенді жоспарды іске асыру 1000 литр судың және кәріздің шығындарын төмендетуге мүмкіндік береді және алдағы уақытта тарифтердің өсуіне жол бермейді», - деп атап өтті ол.
13:40, 15 Қаңтар 2014
Құзырлы агенттік суық су бағасының көтерілу себептерін түсіндірді
АСТАНА. 15 қаңтар. ҚазАқпарат - 2014 жылғы қаңтардан бастап суық судың тарифі Қазақстанның 5 қаласында өзгерді. Бұл туралы бүгін Астанада ҚР Табиғи монополияларды реттеу агенттігінің төрағасының орынбасары Аманжол Алпысбаев мәлім етті.