Кубок алғаш рет Қазақстанның елордасында КТК жоғары лигасының соңғы жылдардағы чемпиондарының арасында өткізіледі. Кешті үлкен Александр Масляков жүргізеді, деп хабарлады Астана қаласының мәдениет, мұрағаттар және құжаттама басқармасынан.
«КТК-ның жазғы чемпионаты 2017 жылдың 1 шілдесінде өз көрермендеріне көтеріңкі көңіл күй сыйлайды. «Азия MIX» (Бішкек), «Камызяк өлкесінің» құрамасы, «Пятигорск» қаласы» командалары Астанада өзара сайысқа түседі, сондай-ақ, осы ойын үшін арнайы «KAZAХИ» КТК командасы қайта жиналады. Соңғы жылдардағы ең үздік чемпион командалардан басқа елордаға беделді қазылар алқасының тұрақты мүшелері де келеді.
КТК посткеңестік кеңістіктегі ең табысты әзіл-сықақ жобасы. Астанада КТК-2017 жазғы кубогын өткізу қала үшін де, мемлекет үшін де маңызды оқиға болмақ», делінген хабарламада.