АСТАНА. KAZINFORM - Астана қаласындағы «Сарыарқа» мұз сарайында өтіп жатқан кёрлингтен Қазақстан кубогында алғашқы жеңімпаздар анықталды.
Аталған жарысқа еліміздің көптеген өңірінен 78 спортшы келді. Олардың 40-ы ерлер арасында сынға тсүсе, қалғаны әйелдер арасында бақ сынайды.
Қазақстан кубогында ерлер арасында Астана қаласы топ жарса, одан кейінгі орындарды Алматы қаласы мен Қостанай облысы өзара бөлісті.
Ал әйелдер арасында Алматы қаласы бас жүлдеге ие болса, Алматы облысы мен Астана қаласы үздіктер қатарынан көрінді.
Айта кетсек, аталған жарыс 8 маусым күні мәресіне жетеді.
Еске салсақ мамыр айында 2026 жылғы Милан-Кортина қысқы Олимпиада ойындарының керлинг спортынан алғашқы жолдамалары үлестірілді.
Халықаралық олимпиада комитетінің хабарлауынша, Олимпиадада керлингтен әйелдер мен ерлер арасындағы, аралас жұптық сында жүлделер сарапқа салынады. Онда жеті әйелдер және жеті ерлер құрамалары 2сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.