Жақында Бішкектегі түнгі клубтардың бірінде жергілікті жастар ер адамдардан құралған украиналық «The Kazaky» би тобына өз «өнерін» көрсетуге жол бермеді. 100-ге жақын жастар дәстүрлі отбасы құндылықтарын сақтауға үндеп, бір жыныстылардың әрекетіне ашық қарсылық танытты. Қарсылық акцияға байланысты еркек бишілердің кешін ұйымдастырушылар оны тоқтатуға мәжбүр болды.
Айта кету керек, бірнеше күні бұрын Қырғыз Республикасының Жоғары Кенеш депутаттары АҚШ елшілігінің қарсылығына қарамастан «гей-насихатқа» қарсы заң жобасын бірінші оқылымда қабылдаған болатын.