АСТАНА. Қазақпарат - Қырғызстан президенті бірқатар тағайындаулар жасады, деп хабарлайды «Кабар» ақпарат агенттігі ҚР президенті аппаратының ақпараттық саясат бөліміне сілтемемен.
Сооронбай Жээнбеков Мукамбетов Мурат Картайбековичті Үкімет аппаратының басшысы - ҚР министрі қызметіне, сондай-ақ Айнұр Абдылдаеваны Әділет министрі лауазымына тағайындау туралы Жарлыққа қол қойды.
Одан бөлек, Джолдубаева Индира Ырысбаевнаны ҚР Бас прокуроры лауазымынан босату туралы Жарлық шығарды.
Сондай-ақ, Сооронбай Жээнбеков ҚР Бірінші вице-премьер-министрі Шадиев Асқарбек Алимбаевичтің отставкасын қабылдау туралы Жарлыққа қол қойды.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.