БІШКЕК. ҚазАқпарат – Қырғызстанның Ыстықкөл облысы Ақсу аудандық сотының судьясы «әйел зорлады» деген айыппен ұсталған күдіктіні үйіне жіберген, деп хабарлайды ҚазАқпарат «Кабарға» сілтеме жасап.
«Жедел жиналыс қорытындысында судья өз еркімен жұмыстан кететіні жөнінде өтініш жазды. Судья өтініші Қырғыз Республикасы Соттар кеңесіне жолданды», - делінген елдің жоғарғы соты таратқан мәлімдемеде.
Бұған дейін жергілікті БАҚ-та Ыстықкөл облысының Ақсу ауылында тұратын әйелді көршісі ұрып-соғып, зорлағаны туралы ақпарат тараған.
Милиция күдіктіні ұстайды, бірақ судья оны үйқамаққа босатады.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.