Статистикалық мәліметтер бойынша, Қырғызстанда халық саны өсуде. Соңғы жылдары елде болып жатқан демографиялық процестер халық санының жоғары өсу қарқынымен сипатталады. Сыртқы көші-қон сальдосы теріс күйінде қалып отыр, бірақ оның мәні соңғы жылдары айтарлықтай төмендеген.
Республикада тұрақты халық саны 2022 жылғы 1 тамызда 6 млн 977 мың адамды, ал 2022 жылғы 1 қазандағы жағдай бойынша 6 млн 995 мың адамды құраған. Елдің алты миллионыншы тұрғыны Қожошева Айлин 2015 жылы 25 қарашада Ош қаласында дүниеге келген, бес миллионыншы тұрғын – Құрамаев Тыныштықбек 2002 жылы 27 тамызда Бішкек қаласында, төрт миллионыншы – Қайыпова Қаныкей 1985 жылы 27 мамырда Ош облысы Қара-Суу ауданында дүниеге келген.
Жеті миллионыншы қырғызстандық азамат елдің алты миллионыншы тұрғыны туғаннан кейін 7 жыл өткен соң дүниеге келген, ал алты миллионыншы мен бес миллионыншы тұрғын арасындағы айырмашылық 13 жасты, ал бес миллионыншы мен төрт миллионыншы арасындағы айырмашылық – 17 жасты құрады.
Бұған дейін, Қырғызстан тұрғындарының саны 7 млн адамға жақындағаны туралы жазған болатынбыз.
Авторы Гүлмира Әбдірахманова
Фото: kaktus.media