13:17, 11 Маусым 2017

Қырғызстанда қол күресінен өткен Азия біріншілігінде қазақстандық спортшылар табысты өнер көрсетті

ОРАЛ. ҚазАқпарат - Қырғызстан елінде қол күресінен өткен Азия чемпионатында қазақстандық спортшылар аса табысты өнер көрсетті, деп хабарлайды «ҚазАқпарат» тілшісі.

Қол күресінен БҚО құрамасының аға жаттықтырушысы Мұрат Ибатовтың айтуынша, соның ішінде батысқазақстандық қол күресі шеберлері де жүлдегерлер қатарынан табылды. Атап айтқанда, №4 балалар мен жасөспірімдер спорт мектебінің шәкірттері Қайсар Қабылов 85 кг, Кенжеқыз Қаупенова 65 кг салмақта әйелдер және жастар арасында екінші орынға ие болды. Сондай-ақ Сүйесін Құмаров 80 келіде жасөспірімдер арасында қола жүлдеге қол жеткізсе, әйелдерден Әсел Жұмағамбетова 80 кг салмақта күміс медальді олжалады.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).