2330 сайлау учаскесінің 710-ы бойынша мәліметтерді есептеп шыққан Орталық сайлау комиссиясының ақпараты бойынша, Құрманбек Бакиевке дауыс бергендердің саны 89,7 пайызды (652 265 сайлаушы) құрап отыр. Алмазбек Атамбаевтың қол жеткізген көрсеткіші - 5,67 пайыз. Үміткерлердің үштігіне кіріп отырған Темір Сариев сайлаушылардың 1,6 пайызының дауысын жинай алған.
Женишбек Назаралиевтің, Тоқтайым Үметәлиева мен Нұрлан Мотуевтардың нәтижелері - 0,33 пен 0,29 пайыздың аралығында. Қазіргі уақытта қырғыз Орталық сайлау комиссиясы өз жұмысын жалғастыруда, оның нәтижелері туралы ҚазАқпарат оқырмандарын хабардар етеді.