Қырғызстаннан «gorilla» сусындарын заңсыз әкелген үш көлік кері қайтарылды
18:27, 19 Шілде 2019
НҰР-СҰЛТАН. ҚазАқпарат - Жамбыл облысы бойынша Мемлекеттік кіріс департаментінің қызметкерлері ПД жол полициясы қызметкерлерімен бірлесіп, Меркі ауданы Андас батыр ауылында Қырғызстан Республикасының тіркеу нөмірімен үш жүк тиелген «Mercedes-Benz» автокөлігін ұстады,деп хабарлайды ҚазАқпарат.
Тексеру нәтижесінде аталған көліктердің Бішкекқаласынан шыққандығы, «Сыпатай батыр» бақылау-өткізу бекеті арқылы өткендігі анықталды.Көліктерге тиелген 28 800 банкі «Gorilla» алкогольсіз сусынның тауарғаілеспе құжаттары болмаған.
Бұл факт бойынша Жамбыл облысының мемлекеттік кірістероргандарының қызметкерлері әкімшілік хаттама толтырды. Көліктер кері, Қырғызстанға қайтарылды.