НҰР-СҰЛТАН. ҚазАқпарат - Бейжіңде басталған 2022 жылғы Паралимпиада ойындарының алғашқы күніндегі қазақстандық спортшылардың нәтижесі белгілі болды, деп хабарлайды ҚазАқпарат тілшісі.
Ел құрамасынан сырғанаудан спринтерлік бәсекеде Сергей Усольцев 15-орынды місе тұтты. Оның жеңімпаздан қалып қойған көрсеткіші - 3:09.4. Ал Ербол Хамитов 16-орын алды. Көрсеткіші - 3:29.1.
Одан кейін Александр Герлиц биатлоннан түрегеп жарысу сайысында жарысты сегізінші орынмен аяқтады.
Еске салсақ, XIII қысқы Паралимпиада ойындарында Қазақстан намысын Сергей Усольцев, Александр Герлиц, Ербол Хамитов, Денис Петренко мен Юрий Березин қорғайды.
Еске салсақ, Қазақстан спортшылары Паралимпиада ойындарына 1994 жылдан бері тұрақты түрде қатысып келеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.