АСТАНА. ҚазАқпарат – АҚШ-тың Лэйк-Плэсид қаласында өтіп жатқан 2023 жылғы Қысқы Универсиадада алғашқы алтын жүлдесінен кейін Қазақстан құрамасы медальдар кестесінде қай орынға жайғасқаны белгілі болды, деп хабарлайды ҚазАқпарат тілшісі.
Айта кетсек, 14 қаңтарда қазақстандық биатлоншы Вадим Куралес 15 шақырым қашықтықта жекелей сында мәре сызығын бірінші болып қиды.
Аталған жүлдеден кейін Қазақстан құрамасы медальдар кестесінде алтыншы орынға жайғасты.
Әзірге жүлдеге іліккен 10 құрама бар.
Көш басында Жапония 5 (3-1-1) медальмен келе жатса, одан кейінгі орындардағы Францияның 4 (1-1-2), Чехияның 2 (1-1-0) медалі бар.
2023 жылғы Қысқы Универсиаданың медальдар кестесі:
2. Франция 1-1-2
3. Чехия 1-1-0
4. Германия 1-0-1
5. Швейцария 1-0-1
6. Қазақстан 1-0-0
7. Норвегия 0-2-1
8. АҚШ 0-2-0
9. Италия 0-1-0
10. Финляндия 0-0-1
11. Испания 0-0-1
Еске салсақ, дүбірлі додада еліміздің атынан 78 спортшы бақ сынайды.
Қысқы Универсиада 22 қаңтар күні мәресіне жетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.