Қыста елорданың тазалығына 2 мыңға жуық техника тартылады

None
АСТАНА. ҚазАқпарат - Бүгін Әсет Исекешев коммуналдық қызметтердің қысқа дайындық жұмыстарымен танысты, деп хабарлайды ҚазАқпарат astana.gov.kz сайтына сілтеме жасап.

Қыста Астанада қар жинау жұмыстарына 2 мыңға жуық мамандандырылған техника тартылады, соның ішінде «Алматы» ауданында - 395, «Сарыарқа» ауданында - 349, «Есіл» ауданында - 294.

Сонымен қатар, «Астана тазалық» және «Астана Зеленстрой» арнайы техникалары қысқы маусымға дайын. Жолдар мен көшелерді қолмен жинауға үш мыңнан астам адам қатысады.

Коммуналдық техниканың бір бөлігі газға ауыстырылды. Биыл қыста көктайғақты болдырмау үшін пилоттық жоба аясында жаңа буындағы 1 141 тонна «Айсмелт» реагенті қолданылады. Оны пайдаланған кезде жолдарда және тротуарларда лас дақтар болмайды. Сондай-ақ, құм-тұз қоспасы (26 238 текше м) дайындалды.