Жабайы аңдардың аштан өлуінен алаңдаған жергілікті үкімет жабайы аңдарға жемшөп шашты, деп хабарлайды ҚазАқпарат қытайдың «Халық газеті» сайтына сілтеме жасап.
Қалың қар салдарынан Қытайда мемлекет деңгейінде қорғалатын арқар мен бұғы сияқты жабайы аңдардың бірнешеуі өліп те үлгірген. Осыған байланысты жабайы аңдардың таралу жағдайына қарай, апаттан құтқаруға арнайы қаражат бөлініп, жабайы аңдар біршама көп жүретін жерлерге жемшөп шашты. Қазірге дейін бұғы, ақ қоян, құлжа, арқар сияқты жабайы аңдардың 9800 ден астамы құтқарылған.