Қытайда ШЫҰ медициналық орталығы құрылады
Бұл туралы бүгін ШЫҰ елдері үкіметтері басшыларының отырыстар кеңесі барысында Қытай мемлекеттік кеңесінің Премьері Ли Кэцян айтты, деп хабарлады Бішкектен «ҚазАқпарат» ХАА меншікті тілшісі.
«Қытай озық медициналдық көмек көрсету үшін ШЫҰ-ға мүше мемлекеттерге арналған медициналық орталық құрады. Сондай-ақ ШЫҰ-ға мүше мемлекеттер елдерін қолдау мақсатында мәдени-гуманитарлық ынтымақтастық саласында Қытай жастардың дамуына жәрдемдесетін жазғы лагерлер ұйымдастырып, жастар форумын өткізуді жалғастырады.
Еске салсақ, бүгін Бішкекте ШЫҰ-ға мүше мемлекеттер үкіметтері басшылары кеңесінің 15-ші мерейтойлық отырысы өтуде. Қазіргі уақытта Қазақстан ШЫҰ төрағасы болып табылады. 2017 жылғы 8-9 маусымда Астанада ұйымға мүше мемлекеттер басшыларының саммиті өтеді.