Қытайда жүздеген әуе рейстері кейінге шегерілді
08:08, 07 Қараша 2016
АСТАНА. ҚазАқпарат - Бейжің халықаралық әуежайында 500-ге тарта рейс кейінге шегерілді. Бұған қою түтін мен бұлтты ауа райы себеп. Билік шаһарда дабыл қағу жүйесінің «қызғылт» деңгейін жариялаған, деп хабарлайды Хабар 24 телеарнасы.
Бұл түтін 3 күн бойы сейілмей қойғанда жарияланатын дабыл. Әуежай әкімшілігінің мәлімдеуінше, ұшақтардың тек 43 пайызы ғана әуеге көтерілген.
Бұдан басқа, елдің барлық солтүстік аймағындағы тас жолдар жабылды. Бейжіңнің кейбір аудандарында түтін 200 метр биіктікке дейінгі аумақты тұмшалап тастаған. Құзырлы органдар қарттар мен балалардың сыртқа бей-сауат шықпауын өтініп отыр.