Қытайдағы көшкіннен 100-ден аса адам із-түзсіз жоғалды
11:03, 24 Маусым 2017
АСТАНА. ҚазАқпарат - Қытайдың Сычуань провинциясы Маосянь уездінде көшкіннің салдарынан жүздеген адам үйінділер мен батпақтың астында қалды, деп хабарлайды bbc.com сайты.
Уездегі ауылдардың бірінде 40-қа жуық үйдің табиғи апаттың салдарынан қирағандығы мәлім болып отыр.
Қазір зардап шеккен аймақта іздеу-құтқару операциясы жүргізіліп, апаттан тірі қалғандарды іздестіруде.
Көшкін тоқтаусыз жауған жаңбырдан кейін тау жыныстарының құлауы салдарынан болған. Құлаған тау жыныстары 2 шақырым учаскедегі өзен арнасын бітеп тастаған.
Фото: China Daily via REUTERS