Қытайдағы өрттен 22 адам мерт болды
17:25, 16 Шілде 2017
Қытайдың Цзянсу провинциясындағы екіқабатты жер үйден өрт шықты. Бұл туралы Синьхуа агенттігі хабарлады.
Салдарынан 22 адам тілсіз жаудың құрбаны болып, тағы 3 адам жарақат алды. Билік өкілдері қызыл жалынның ауыздықталғанын және жапа шеккендердің ауруханаға жеткізілгендіктерін айтты.
Өртке байланысты тергеу амалдары басталды.