Агенттіктің мәліметтерінше, оқиға жексенбі күні күндіз Байшань қаласында орын алған. Сол кезде жердің астында 700-ден астам адам болған.
Оқиғадан кейін 692 кенші шахтадан көтеріліп үлгерген, тағы 13-і жердің астынан шыға алмай қалған. Соның ішінде 12-сі қаза тапты. Тірі қалған шахтер ауруханаға жеткізілді, оның жағдайы тұрақты деп бағаланып отыр.
Құтқару операциясына 316 адам, жедел жәрдем қызметінің 11 көлігі, 46 медициналық қызметкер тартылды. Қазіргі кезде іздеу-құтқару іс-қимылдары аяқталды, болған оқиғаның себептерін тергеу амалдары жүргізіліп жатыр.