АСТАНА. ҚазАқпарат - Француздық Гавр портының полициясы Қытайда даярланған жалған дәрі-дәрмектің Еуропалық одақ тарихындағы ең ірі көлемін тәркіледі. Оның арасында 2,5 млн. бума диарея, бас ауруы және эриктильдік дисфункция препараттары бар екен.
Барлық қолдан жасалған дәрілік заттар «шай» деген жазуы бар қораптарға салынған.
Гаврлық кеденшілердің сөзіне қарағанда, кейбір дәрілер денсаулыққа қауіп тудыратындай болған, себебі олардың құрамындағы күрделі қоспалардың мөлшері шамадан тыс деңгейде байқалған.
Дегенмен, препараттардың көбісі ешқандай да белсенді компоненттерді құрамаған және плацебодан (дәрілік күші жоқ) еш айырмашылығы болмай шықты, деп жазады ВВС.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.