Қытайдың бірінші ханымы қазақ әнін орындады - ВИДЕО

АСТАНА. ҚазАқпарат - Желіде Қытай төрағасының жұбайы Пэн Лиюаньның қазақ әнін орындаған видеосы пайда болды, деп хабарлайды Baistars.kz.

Пэн Лиюань Ахмет Жұбановтың «Қарлығаш» әнін қытай тілінде орындаған. Алайда бейнебаянның қай жылы түсірілгені белгісіз.
Айта кетейік, Қытай төрағасы Си Цзиньпиньнің жұбайы Пэн Лиюань Қытайдың танымал дәстүрлі әншісі. Көптеген ән байқаулардың жүлдегері.
«Дәстүрлі музыка» мамандығы бойынша білім алған. Танымалдылығы шарықтап тұрған шағында халық арасында Сәлдегүл перизаты деп аталып кеткен.