АСТАНА. ҚазАқпарат - Қытайдың Ченду қаласында XXXI Жазғы универсиада мәресіне жетті, деп хабарлайды ҚазАқпарат тілшісі.
Жазғы универсиадада 118 елден келен 7500 атлет 18 спорт түрінде 269 медаль жиынтығын сарапқа салды.
Қазақстан құрамасы сапында 93 спортшы студент бар, олар 11 спорт түрінен 2 алтын, 7 күміс және 11 қола жүлде жеңіп алды. Нәтижесінде жалпы командалық есепте 20 жүлдемен 20 орынға тұрақтады.
Медальдар кестесінде 1-орын алған Қытай спортшылары 178 медальға (103 алтын, 40 күміс және 35 қола) ие болды. Одан кейінгі орындардағы Жапония - 93 (21-29-43), Оңтүстік Корея - 58 (17-18-23) медаль алды.
Енді 2025 жылғы Жазғы универсиада Германияның Рейн-Рур аймағында өткізіледі.
Салтанатты шараның жабылуында Германияның Рейн қаласының мэріне FISU-дің тыу табыс етілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.