БЕЙЖІҢ. ҚазАқпарат – Қытайдың Хубэй провинциясының Ухань қаласында тырысқақ (холера) ауруының алғашқы жағдайы расталды. Бұл туралы «Синьхуа» агенттігі ауруларды бақылау және алдын алу жөніндегі жергілікті штабқа сілтеме жасап жариялады, деп хабарлайды ҚазАқпарат тілшісі.
Тырысқақ ауруына күдікті науқас 9 шілде күні Ухань университетінің жатақханасында анықталған. Науқаста диарея, құсу, дене қызуының көтерілуі сияқты белгілер болған.
Тексеруден кейін аурудың тырысқақ екені анықталды. Қазіргі уақытта науқас дәрігерлердің бақылауында.
Жергілікті билік Ухань университетіне санитариялық-эпидемиологиялық бақылауды күшейтуді, осы университеттің студенттері мен оқытушылары арасында ішек инфекцияларының алдын алу және күресу бойынша кеңінен түсіндіру жұмыстарын жүргізуді тапсырды.
Фото: st1.uvnimg.com
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.