Қытайға алапат тайфун жақындап келеді

БЕЙЖІҢ. СИНЬХУА - ҚазАқпарат – Жұма күні таңертең Қытайдың Ұлттық метеорологиялық орталығы елдің шығыс жағалауларына аса қауіпті супертайфун келе жатқанын мәлімдеді, деп хабарлайды «ҚазАқпарат» ХАА Xinhua агенттігіне сілтеме жасап.

Жойқын дауылға «Лекима» деген ат берілді.Болжамдарға сәйкес, ол Қытай шығысындағы Чжэцзян провинциясына сенбі күніжетеді және ол биыл Қытайға төнген тоғызыншы тайфун болмақ.

Бүгін жергілікті уақытпен таңғы 8-де«Лекиманың» орталығы Чжэцзян провинциясындағы Вэньлин қаласынаноңтүстік-шығысқа қарай 290 км қашықтықта болған. Желдің жылдамдығы сағатына 209км айналасында.

Тайфунның өзі солтүстік-батысқа қарай сағатына13 км жылдамдықпен жылжып келеді. Дәл осындай жылдамдықпен жүрсе, жағалауғасенбі күні таңертең жетеді.

Бұдан тыс, Аньхой, Фуцзянь, Цзянсу және Чжэцзянпровинцияларында және Шанхайда бүгін түнде нөсер жауады.