Қытайға келетін шетелдіктердің саусақ іздері алынатын болады
17:00, 09 Ақпан 2017
БЕЙЖІҢ. ҚазАқпарат - Қытай 2017 жылдан бастап елге келетін барлық шетелдіктердің саусақ іздерін міндетті тапсыруды енгізеді, деп хабарлайды «ҚазАқпарат» ХАА-ның Қытайдағы меншікті тілшісі.
ҚХР қоғамдық қауіпсіздік министрлігінің сайтында хабарланғандай, саусақ іздерін 14-тен 70 жас аралығындағы барлық шетел азаматтары тапсыратын болады. Тек, дипломатиялық төлқұжаты бар тұлғалар, өзара артықшылығы бар елдің азаматтары, сондай-ақ вице-министр және одан жоғары деңгейдегі тұлғалардың делегациясына бұл заң қолданылмайды.
Жаңа енгізілген заңнаманың апробациясы 10 ақпан күні Шэньчжэнь қаласының әуежайынан басталады. Ары қарай бұл ереже Қытай шекарасында орналасқан басқа да бақылау-рұқсатнама бекеттерінде қолданысқа енгізіледі