Жаңа машинаның жылдамдығы соншалық, ол секундына 120 миллиард операция жасайды, деп хабарлайды «Маяк» радиостансасы.
Қытай осындай компьютері бар әлемдегі екінші ел атанып отыр. KD-50-I деген атауға ие болған жаңа компьютер Loongson 2F процессорының негізінде жасалды. KD-50-I компьютері химия, география, авиация және физика салаларындағы зерттеулерде және жоғары технологиялық жобаларда қолданылатын болады.
Әлемдегі бірінші суперкомпьютер - Transmeta Crusoe процессорларының негізінде жасалған техника 2002 жылы АҚШ-тың Лос-Аламос ұлттық зертханасында таныстырылған болатын.