АСТАНА. 15 желтоқсан. ҚазАқпарат - Қытайлық «Чанъэ-3» зерттеу аппараты Айға қонды. Бұл туралы осы елдің мемлекеттік телеарнасы хабарлады.
«Чанъэ-3» Айдағы Кемпірқосақ шығанағы кратеріне табан тіреді. Ғарыштық аппараттың бортында Ай бетінде жүретін қытайлық алғаш робот та жеткізілді.
Бұл құрылғының салмағы 100 келі шамасында. Ол зерттеу жұмыстарын кем дегенде үш ай бойы жүргізуі тиіс. Сонымен қатар аталған аппарат Айға ҚХР-дың туын да жеткізегені белгілі болды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.