Қытайлық «Қазақ жауынгері» қарсыласын екінші раундта сұлатты

АСТАНА.ҚазАқпарат -WBO тұжырымы бойынша жеңіл салмақта (53,5 келіге дейін -118фунт) Азия чемпионы 23 жастағы Елшат Нығматоллаұлы (9-0-1, 1КО) 18 тамыз күні Қытайдың Цзинань қаласында кезекті жекпе-жегінде жеңіске жетті, деп хабарлайды ҚазАқпарат тілшісі.

Sohu спорт порталының хабарлауынша, Елшат бұл кездесуінде 122 фунт (57 келіге дейін) салмақта жұдырықтасты. Қорытындысында ол қарсыласы тайландтық Кайонсак Потангті (25-16, 9КО) екінші раундта нокаутқа түсіріп, 11-ші жеңісіне қол жеткізді.

Еске сала кетейік, «Қазақ жауынгері» деген лақап атымен белгілі Елшат Нығматоллаұлы және супер жеңіл салмақта (63,5 келі - 140 фунт) WBA және WBC нұсқасы бойынша Азия чемпионы Бейсенбі Нәсиоллаұлы (12-0-1, 5КО) Қазақстандық боксшы Қанат Исламның (24-0, 19КО) жерлесі.