Қызылорда қалалық ауруханасы қайта құрудың жаңа кезеңін бастан кешіп жатыр
Алайда, ол бұдан кейін өзінің алдына қойылған міндеттерді орындаудың орнына аурухананың ауруларды қабылдау қабілетін көрер көзге күрт төмендетіп, негізгі мақсатына сай келмейтін тірліктерге бағыт ұстай бастады. Сондықтан облыстың сол кездегі әкімі Мұхтар Құл-Мұхаммедтің тікелей араласуымен қайтадан мемлекет қарауына қайтып алынған болатын. Емдеу орны осылайша 2008 жылдың басында «Қызылорда қалалық ауруханасы» мемлекеттік мекемесі» болып қайта құрылды.
Осының арқасында 2009 жылы ауруханаға күрделі жөндеу жұмыстары жүргізіліп, ол 150 төсектік болып қайта құрылды. Ол үстіміздегі жылдың басында қайта жабдықталып, толығымен іске қосылды. Емдеу орнында қосымша 10 төсектік күндізгі және 20 төсектік тәуліктік емдеу бөлімі және жедел жәрдем зертханасы ашылды. Сонымен қатар бірқатар заманауи құрал-жабдықтар алынды. Мәселен, эндоскопия, физиотерапия бөлімдері жаңа аппараттармен қамтамасыз етілсе, бірнеше УЗИ аппараттарына да қол жеткізілді. Сондай-ақ, физиотерапиялық зертхана, реанимация бөлімдері уақыт талабына сай кеңейтілген.
- Күрделі жөндеуден кейін ауруханаға келушілер қатары көбейді. Бұл өз ретінде емдеу орны қызмет сапасының жақсарғандығын байқатады, - дейді аурухананың бас дәрігері Асылбек Тоғызбаев.
Жыл басынан бері ауруханада 2500 науқас емделіп шықса, оның 700-ге жуығына ота жасалған. Осының нәтижесінде жоспар бойынша 116 млн. теңге көлемінде қаржы табу көзделсе, бұл меже бес айдың өзінде 132 млн. теңгеге жеткен. Сондай-ақ елімізде жыл басынан бастап енгізілген бірыңғай ұлттық денсаулық сақтау жүйесі бойынша жақсы жұмыстар жүре бастады.