ҚЫЗЫЛОРДА. ҚазАқпарат - Қызылорда қаласы әкімдігі жанынан құрылған мобильді топ мүшелері санитарлық талаптарды сақталуын ұдайы назарда ұстап келеді, деп хабарлайды ҚазАқпарат тілшісі.
Осы мақсатта топ мүшелері облыс орталығындағы бірқатар нысанды аралады. Топ өкілдері Ахмет Байтұрсынов көшесінде орналасқан «Kino time» орталығында карантин талаптарын сақтамау жағдайына назар аударды. Кәсіп иесіне анықтама толтырылып, ол құзырлы органдарға жолданды. Қазірге дейін топ мүшелері тарапынан рейд жұмыстары жалғасуда. Нәтижесінде олар 10 мыңға жуық нысанды аралады.
Санитарлық талаптарды сақтамаған жалпы 244 нысан бойынша анықтама қалалық тауарлар мен көрсетілетін қызметтердің сапасы мен қауіпсіздігін бақылау басқармасына жолданды. Құзырлы орган тарапынан осындай кемшіліктерге жол берген 130 адамға әкімшілік хаттама толтырылған. Оның ішінде ҚР «Әкімшілік құқық бұзушылық туралы» кодексінің 462-бабы, 3 тармағы бойынша 3, осы кодекстің 425-бабы, 1 тармағымен 127 адамға тиісті шара көрілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.