ҚЫЗЫЛОРДА. ҚазАқпарат – Қызылорда қаласында жаппай төбелеске қатысқандар ұсталды, деп хабарлайды ҚазАқпарат тілшісі.
Қалалық полиция басқармасына тұрғындардан жас жігіттердің арасындағы төбелес жөнінде хабарлама түскен.
«Екіге бөлінген жастар бір-бірімен ерегісіп, соңы төбелеске ұласқаны белгілі болды. Оған қатысқан 12 адамның барлығы анықталды. Олар – облыс орталығының 25-30 жас аралығындағы тұрғындары. Барлығы міндетті медициналық сараптамадан өткен соң, түсініктеме беру үшін полицияға жеткізілді. ҚР Қылмыстық кодексінің 293-бабы 2-бөлігі бойынша тергеп-тексеру əрекеттері басталды», - деп мәлім етті Қызылорда облыстық Полиция департаментінен.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.