ҚЫЗЫЛОРДА. ҚазАқпарат - Қызылорда қаласында ауа райының қолайсыздығына және желдің күштілігіне байланысты 29 қарашада 0-4 сыныптар аралығындағы оқушылар қашықтықтан оқытылады, деп хабарлайды ҚазАқпарат тілшісі.
Бұл жөнінде Қызылорда қаласының білім бөлімі мәлім етті.
«Қызылорда қаласы бойынша ауа-райының қолайсыздығы, желдің күштілігі көрініс беріп отыр. Осыған байланысты 29 қарашада 0-4 сынып оқушылары қашықтан оқытылатынын хабарлаймыз», - деп жазылған хабарламада.
Еске салсақ, бұдан бұрын 27 қарашада Қызылорда облысы Жалағаш кентінде қатты желдің әсерінен №201 мектеп-лицейдің шатыры ұшып кетті.
Аудан әкімдігінің хабарлауынша, 28-30 қараша аралығында мектептегі сабақ тоқтатылған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.