Бұл сайлау учаскесінде 1966 сайлаушы тіркелген. Ел ертеңі үшін маңызды шараға қатысуға әрбір сайлаушы мүдделі. Сайлау учаскесі төрағасының айтуынша, сайлаушылардың қатысу белсенділігі жоғары.
Дауыс беру дәл осы қарқынмен жүрсе, белгіленген уақытқа жетпей-ақ, бұл жердің сайлаушылары толықтай өз дауысын беріп болады.
Сайлауға қатысушылардың қатарында өңірдің өркендеуіне елеулі үлес қосып жүрген азамат, облыстық мәслихат депутаты Сәмит Далдабаев та бар.
Сәмит Далдабаев - облыстық мәслихат депутаты:
- Биылғы кезектен тыс президенттік сайлаудың өз ерекшеліктері бар. Соның бастысы, қоғам үшін маңызды шара ел тәуелсіздігінің 20 жылдығымен тұспа-тұс келіп отыр. Демек, бұл сайлау ел тарихында елеулі орын алып қалары сөзсіз.