ҚЫЗЫЛОРДА. ҚазАқпарат - «Батыс Еуропа – Батыс Қытай» халықаралық автожолдың Қызылорда қаласына жақын тұсында «Mercedes» жүк көлігінің кабинасы жанып кетті, деп хабарлайды ҚазАқпарат тілшісі.
Қызылорда облыстық төтенше жағдайлар департаментінің хабарлауынша, өрт сөндірушілер жалынды жеті минут ішінде сөндіріп үлгерді. Өрт салдарынан зардап шеккен ешкім жоқ. Түркістан облысы Ордабасы ауданында тұратын жүк көлігінің иесі ешқандай дәрігерлік көмекке жүгінбеген.
«Өрт сөндірушілер барған уақытта жүк көлігінің кабинасы мен үш дөңгелегі жанып жатқанын көрген. Алдын ала жасалған болжам бойынша өрт электр сымдарының қысқа тұйықталуынан шыққан болуы мүмкін. Оқиға орнында арнайы зертхана жұмыс жасады. Келген шығын мөлшері анықталуда. Биыл «Батыс Еуропа – Батыс Қытай» халықаралық автожолдың Қызылорда облысы аумағында 19 өрт оқиғасы тіркелген», - деді облыстық төтенше жағдайлар департаменті бастығының орынбасары Руслан Қайрақбаев.
Бұған дейінҚызылордада газ баллонының жарылып,тұрғын үйде өрт шыққанын хабарлааған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.