Қызылорда облыстық медицина орталығының басшысы тағайындалды

АСТАНА. 20 желтоқсан. ҚазАқпарат - Қызылорда облыстық медицина орталығының басшысы қызметіне медицина ғылымдарының докторы, профессор Мұрат Телеуов тағайындалды, деп хабарлады облыс әкімінің баспасөз қызметінен.

Мұрат Қойшыбайұлы 1960 жылы Ақтөбе облысында дүниеге келген. Мәскеудегі Пирогов атындағы мемлекеттік медицина институтының түлегі. Еңбек жолын Ақтөбенің аудандық ауруханасында дәрігер хирург ретінде бастаған ол 1993-2000 жылдары А.Н.Сызғанов атындағы ғылыми хирургия орталығының бас ғылыми қызметкері болды. 2001-2007 жылдар аралығында Семей мемлекеттік медицина Академиясын басқарса, 2007-2009 жылдары республикалық шұғыл медициналық көмек көрсету ғылыми орталығының бас директоры, ал 2009-2011 жылдары Қарағанды мемлекеттік медицина университетінің ректоры қызметтерін атқарды. 2011-2013 жылдары Қазақстан Республикасы денсаулық сақтау министрлігінің ғылым және адами ресурстар департаментіне жетекшілік жасады.

146 ғылыми басылымның, 23 жаңа әдістің авторы. Жоғары білікті дәрігер-хирург. 2003 жылдан бастап «Нұр Отан» партиясының мүшесі, 2003-2007 жылдары Шығыс Қазақстан облысының облыстық мәслихатының ІІІ шақырылым депутаты. Отбасылы, 3 бала тәрбиелеп отыр.