ҚЫЗЫЛОРДА. ҚазАқпарат - Қызылорда облысында 190 мыңға жуық адам ревакцинациядан өтті, деп хабарлайды ҚазАқпарат тілшісі.
Санитариялық-эпидемиологиялық бақылау департаментінің мәліметінше, облыс ревакцинациялау қарқыны бойынша алдыңғы өңірлер қатарында. Өткен жылдың 22 қарашасынан басталған ревакцинациядан 189 868 тұрғын өткен. Вакцинаның 2 компонентімен қамтылып, 6 ай аралық мерзім өткендеріне бустерлік дозаны егу ұсынылды.
Облыс бойынша 22 медицина мекемесінде коронавирусқа қарсы егу жұмыстары жүргізіледі. Олардың 13-і қалада, 9-ы аудандарда қызмет көрсетеді. Өңірде екпе қоры жеткілікті.
Еске салсақ, Қызылорда облысында модульды инфекциялық стационар жабылған болатын.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.