ҚЫЗЫЛОРДА. ҚазАқпарат - Бүгін Қызылорда облысында коронавируске шалдыққан бір науқастың оны қайдан жұқтырғаны белгілі болды, деп хабарлайды ҚазАқпарат тілшісі.
Бүгін, 1 сәуірде күні жергілікті уақытпен сағат 16.15-те Қызылорда облысында COVID-19 вирусының жаңадан 1 жағдайы тіркелді. Бұл туралы Өңірлік коммуникациялар қызметі алаңында облыстық денсаулық сақтау басқармасы басшысы Жақсылық Абдусаметов хабарлады.
«Қазіргі уақытта, облыс бойынша 25 науқас тіркелді. Жаңадан тіркелген 1 науқас Жаңақорған ауданынан. Ол 28 жастағы ер адам. Науқас карантинде болған. Ол осы ауданда алдында анықталған науқаспен тығыз қарым-қатынаста болғандықтан оқшауланған еді. Оның жағдайы қанағаттанарлық», - деді басқарма басшысы.
Айта кетейік, облысымызда қарым-қатынаста болған 485 адам анықталды. Оның 133 карантинде болса, 352 -сі үй жағдайында оқшауланған.
Еске сала кетейік, 1 сәуірден бастап Қызылорда қаласында шектеу шаралары енгізіліп, карантин жарияланды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.