ҚЫЗЫЛОРДА. ҚазАқпарат - Қызылорда облысы Жаңақорған ауданында 37 жастағы азамат екі айдан бері іздестіріліп жатыр, деп хабарлайды ҚазАқпарат тілшісі.
Жаңақорған кентінде тұратын Әбуов Тұрсынжан Ертайұлы 2021 жылдың 4 қарашасында үйінен белгісіз бағытқа шығып кеткен. Содан бері хабар-ошарсыз.
«Т. Әбуов Түркістан облысы Кентау қаласында 1985 жылы дүниеге келген. Үстіне қара түсті қыстық куртка, қара қалпақ, көк түсті джинси шалбар, қара түсті қыстық аяқ киім киген.
Жоғалған азамат жөнінде қандай да бір ақпарат анықталған жағдайда Жаңақорған аудандық полиция бөлімінің кезекші бөліміне 24-1-58 телефон нөмірі арқылы немесе 102 арнасына шұғыл хабарласуды сұраймыз», - деп мәлім етті Жаңақорған ауданының полиция бөлімінен.
Еске салсақ, бұдан бұрын Қызылордада желтоқсан айында жоғалған 16 жастағы қыз ақпанда елордадан табылғанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.