ҚЫЗЫЛОРДА. ҚазАқпарат - Қызылорда облысында алдағы уақытта 6 су қоймасы салу жоспарланып отыр, деп хабарлайды ҚазАқпарат тілшісі.
Аталмыш су қоймалары агроөнеркәсіптік кешенін дамытудың мемлекеттік бағдарламасы шеңберінде қолға алынады. Онда 3 млрд текше метр тасқын су жиналады.
«Олардың ішінде ең ауқымдысы ретінде 1,5 млрд текше метр су жинайтын Қараөзек және 600 млн текше метр су жинайтын Күміскеткен су қоймаларын айтуға болады. Жыл сайын Үлкен Арал теңізіне қайтарымсыз кететін 3-4 млрд.текше метр суды Күміскеткен және Қараөзек су қоймаларына жинауға әбден болады. Сол арқылы егістікті сумен қамтамасыз етуге, мал және балық шаруашылығын дамытуға жағдай жасалады», - деді Қызылорда облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Шәменов.
Бұған дейін Қызылордада «Күміскеткен» су қоймасы салу жоспарланып отырғанын хабарлаған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.