ҚЫЗЫЛОРДА. ҚазАқпарат - Қызылорда облысында 76 мыңнан астам адам Pfizer вакцинасын салдырды, деп хабарлайды ҚазАқпарат тілшісі.
Қазірге дейін өңірде барлығы 76 100 адам Pfizer вакцинасының бірінші компонентімен егілді.
Оның ішінде 67 408-і - жасөспірімдер. Ал жүкті әйелдер арасында 2 640 адам бірінші компонентті салдырды.
Лактация кезеңіндегі әйелдер арасында бірінші компонентті алғандар - 6041 адам. Қалғаны - басқа топтағы тұрғындар.
«Айта кетерлігі, өңірде Pfizer препаратымен ревакцинация жасап жатқандар да бар. Қаулылардағы соңғы өзгерістерге сәйкес вакцина медицина қызметкерлері, мүгедек адамдар, 50 және одан жоғары жастағы егде адамдарға салынады», - деп мәлім етті Қызылорда облыстық Санитариялық-эпидемиологиялық бақылау департаментінен.
Еске салсақ, Қызылорда облысында екпе қабылдауға қабілетті тұрғындардың 94,2 пайызы вакцина салдырды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.