ҚЫЗЫЛОРДА. ҚазАқпарат - Қызылорда облысында ауа райының нашарлауына байланысты республикалық маңызы бар автожолда көлік қозғалысына шектеу қойылды, деп хабарлайды ҚазАқпарат тілшісі.
Бұл жөнінде «Қазавтожол» ЖШС Қызылорда облысы бойынша филиалы хабарлады.
«Қызылорда облысында ауа райы күрт нашарлады. Қатты жел, бұрқасын соғып тұр. Сондықтан республикалық маңызы бар М-32 «Самара-Шымкент» автомобиль жолының 1240-1357 шақырым аралығында көліктің барлық қозғалысына шектеу қойылады. Бұл Арал қаласының шекарасынан бастап Ақтөбе облысына дейінгі аралықты қамтиды» делінген хабарламада.
Еске сала кетейік, біз бұған дейін Маңығстау облысында бірқатар жолда көлік қозғалысына тыйым салынғанын жазған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.